REVISTA ABRIL

05abr22:00KING SAPOCONCERTOS | Desde 14,30 €22:00(GMT+02:00) Sala Rebullón

Detalles do eventos

King Sapo subirase ao escenario da Rebullón este sábado, a partir das 22 horas, para presentar o seu cuarto e novo traballo, El Dios de América, editado en marzo. As entradas están á venda online en anticipada AQUÍ, desde 13 euros máis gastos de xestión, na cantina do CSCD As Pedriñas, ou a 16 euros na billeteira.

A banda avanza con paso firme no rock español, rescatando e actualizando o son dos 90 en todas as súas vertentes. Formada por músicos de gran traxectoria de diferentes puntos do país, teñen publicado dous LPs, un EP acústico e un directo.

Defensores absolutos da composición como a esencia dunha banda, King Sapo coida cada canción en todas as súas facetas. O seu contundente son, a entrega no escenario e a súa irresistible enerxía xeraron un boca a boca constante entre as persoas amantes do rock e cada vez contan con máis respaldo da crítica.

El Dios de América é unha obra directa e variada que trata un tema de plena actualidade: a desconexión do ser humano da súa esencia máis íntima para sobrevivir nunha ‘realidade virtual’. Cancións cargadas de forza, cunha enerxía eléctrica e contaxiosa, amosando a unha banda en absoluto estado de graza.

Como adiantos, sorprenderon con Hasta nunca xunto a Carlos Tarque, No terminó e o single El Dios de América. Ademais, lanzaron Polución, o seu último berro contra a autodestrución nun mundo alienado, e unha colaboración moi especial con Gabriel de Shinova.

Máis

Hora

5 abril, 2025 22:00(GMT+02:00)

Localización

Sala Rebullón

Avda. do Rebullón 23, 36416 Tameiga, Galicia, Spain

Other Events