Killer Barbies é unha das bandas viguesas máis relevantes e con maior proxección internacional dos últimos trinta anos. O escritor Luis León Luri encargouse de plasmar a súa vibrante traxectoria nas páxinas de Voy a matarte esta noche: la ruidosa y acelerada historia de Killer Barbies (Applehead Team), un libro de 332 páxinas sobre a historia da banda. Na presentación deste xoves ás 19:30 en Galería Maraca estarán presentes o autor e os membros da banda. Ademais, Killer Barbies vén de sacar un novo disco, El pop se autodestruirá en 4, 3, 2, 1…

Sinopse

Inspirados polos Ramones, lograron tocar no seu templo punk: o CBGB de Nova York. Apaixonados das películas de terror, protagonizaron dous filmes de serie B ás ordes do director máis recoñecido do cinema de xénero en España, Jess Franco. Desde un pequeno apartamento en Vigo reconvertido en oficina, ata o escenario principal de festivais en Xapón e Alemaña, a historia de Killer Barbies é unha vertixinosa carreira nada nas marxes do movemento indie dos anos 90, repleta de momentos sorprendentes e asombrosos. Furgonetas descacharradas, subidones, bajones, motoserras e pratos volantes mestúranse nunha aventura de xoguete e plástico salpicada por sangue e vísceras. Ten coidado se decides continuar con esta historia! As bonecas asasinas están aquí para acabar contigo!

Coa colaboración estelar de Silvia Superstar e Billy King · Mario Vaquerizo · Alaska · Doutor Gonzo · Valeria Veigas · Carlos Galán · Jesús Ordovás · Santiago Segura · Superbingo · Álex Mendíbil · Tomás Cimadevilla · Piluca Baquero · Óscar Sanz · Angie Barea · Bogdan Kopec · Kike Sarasola como Drácula.