Gigolo Aunts é a primera confirmación do festival Underfest

GIGOLO AUNTS, referencia absoluta do mellor power pop que se facturou desde o seu primeiro disco en 1986, son a primeira confirmación da 7ª edición do festival Underfest. Será unha xira moi especial na que se despiden dos escenarios e farano coa súa formación orixinal (Dave Gibbs, Steve Hurley, Phil Hurley e Paul Brouwer, acompanÞados por Jon Skibic).

Os estadounidenses están intimamente ligados a España, onde sempre contaron cunha lexión de fieis seguidores. O Underfest será testemuña da última xira do grupo o venres 20 de setembro, espazo aínda por confirmar.

Polo momento está á venda o abono do festival para os días 13 e 20 de setembro, a un prezo de 55€

FESTIVAL UNDERFEST

O festival Underfest volve en setembro aos escenarios vigueses mantendo a súa aposta por ofrecer un formato especial e coidado, cunha oferta musical variada nun cartel que como sempre aglutinará distintos estilos.

Underfest acaba de ser premiado como “Best Indoor Festival” nos Iberian Festival Awards, que seleccionan algúns dos mellores festivais que levan a cabo en España e Portugal, consolidándose así como unha das propostas máis valoradas por prensa, público e profesionais do sector.

Despois de seis edicións, o festival Underfest converteuse nunha cita indispensable para aqueles que buscan unha programación diferente. Proba diso é a cantidade de público que se achega ao festival desde cidades de fóra de Galicia, mesmo de España, con fans que chegaron nestes últimos anos de sitios tan dispares como Tokyo, Londres ou Edimburgo.

Podes ler aquí a nosa crónica da última edición