Galicia Magic Fest

Os mellores magos do mundo volven ao Teatro Afundación os días 26 e 27 de decembro coa oitava edición do festival internacional de maxia Galicia Magic Fest. Seis prestixiosos ilusionistas de latitudes diversas cítanse no teatro máis sobranceiro da cidade nun grande espectáculo familiar que desafía a lóxica durante hora e media.

• Anca & Luca(Austría e Hungría) o mentalismo chega da man destes dous magos, premiados internacionalmente co seu espectacular número máxico.
• Hakan Berg (Suecia) presenta The King of Birds, unha parodia dun mago con pombas que combina a maxia co humor.
• Hun Lee (Corea do Sur) deixa ao público sen fala no seu show de manipulación, no que xoga coa alteración do tempo.
• Lea Kyle (Francia) con Quick Change Act, propón unha performance moderna que combina velocidade, novidade e humor.
• Trig Watson (Estados Unidos) pertencente a nova xeración de magos, conquistou a multitudinaria audiencia do America’s Got Talent con trucos vangardistas.
• Pedro Volta (Galicia) é o promotor, director artístico e mestre de cerimonias do festival. A maxia é a súa vida, que chegou a arriscar nunha semifinal de Got Talent.

Data e hora: xoves 26 de decembro, ás 18:00 e ás 20:30 h; venres 27 de decembro, ás 12:00, ás 18:00 e ás 20:30 h

Prezo: desde 16,60 € (gratis para menores de 2 anos que non ocupen butaca) en Ataquilla.