Mañá sábado 3 de maio o escritor José Costa estará a asinar exemplares do seu libro La mala conciencia na librería do Corte Inglés de 16:30 a 20:00 horas.

SINOPSE

Co seu aire de formal travesura, os vinte e seis relatos que conforman La mala conciencia son unha incitación para traspasar a dubidosa liña que separa o correcto e o incorrecto. Do outro lado desa liña, na zona oculta á mirada pública onde o sentido moral pende dun fío, atopamos seres que actúan movidos polas paixóns, a ambigüidade ou o instinto de supervivencia: unha lanzadora de martelo, un grupo de científicos erráticos, un torpe funcionario, unha viaxeira apocada… Seres correntes que, desenvolvéndose no ambiente de aparente normalidade en que se tecen as relacións persoais e sociais, acaban destapando o escondido e fan saltar a sorpresa, o inesperado, o inquietante. É alí onde o poder revelador dos detalles e a capacidade de suxestión constrúen mundos que resultan, a un tempo, turbadores e profundos, divertidos e poéticos, demostrando unha vez máis que non hai labirinto máis fascinante e intrincado que a mente humana.

SOBRE O AUTOR

José Costa (Valencia 1967). Profesor de Artes Visuais e Audiovisuais, fotógrafo, deseñador gráfico e escritor; viaxeiro independente por máis de sesenta países dos cinco continentes. Realizou exposicións da súa obra fotográfica, pola que recibiu numerosos premios e recocinocimientos. Conta con diversas colaboracións en prensa. É autor dos libros de relatos La mala conciencia (2012) e Física para homicidas (2022), e das novelas Cuadernos del otro lado (2015), Misfits (2018) —novela finalista dos Premios Letrame 2022 na categoría de Ficción Moderna— e El mecanismo Ripperton (2021), entre outros.