O próximo sábado 22 de marzo volven ao barrio de Churruca para convertir os bares en salas de teatros, acollendo cinco propostas escénicas en cinco espazos diferentes.

Comezan ás 18:00 h no Tinta Negra; continuan ás 19:00 h na Cantina Candela; ás 20:00 h espéranvos na A Casa de Arriba; ás 21:00 h baixan á Sala Kominsky e ás 22:00 h rematan no Arco da Vella.

A presentación das artistas non é a orde na que van actuar, xa que vos convidan a que vaiades a todo, polo que non desvelan a hora de actuación de cada artista!

Contaran con Nazareno Ciminari, que ven desde Madrid para traer ao Gorrilla ao seu espectáculo Artificio Medea; Dinis Quilavei, un dos mais destacados bailaríns emerxentes da escena de danza contemporánea en Mozambique; Mutismoa, que traerá unha boa dose de teatro xestual ao Teatro Gorrilla con Apego; Isabel Denzel faravos reflexionar a través do humor sobre o “absurdo turismo descontrolado” coa súa peza Guiri; e, por último, Raquel Garabal traerá unha peza de danza chamada A terra nos dá.