O saxofonista, multiinstrumentista e compositor, nacido en Redondela en 1985, reside actualmente en Países Baixos, onde actúa con diferentes formacións propias e colabora con outras bandas, como a Jazz Orchestra of the Concertgebouw, The BvR Flamenco Big Band, Pol Belardi Urban Voyage, Pablo Martínez Group, Atlantic Jazz Ensemble, Orquestra de Jazz do Atlántico, Eleonora Strino Quartet, New Cool Collective, Joëlle Goldman Big Band, Giuseppe Campisi, entre outras.

Fernando Sánchez gañou o concurso Keep an Eye Foundation “The Records” en dúas ocasións, coas bandas Urban Voyage e BvR Flamenco Big Band, tamén o premio ao mellor solista na Festa do Jazz 2009, así como o segundo premio no concurso Jovens Músicos, organizado pola RTP portuguesa.