Doctor Explosión + Kuma + Less Fortunate Sons + True Mountains

Despois de once anos sen editar material novo, en 2022 publican a single “Insatisfacción”, que anticipa un novo disco da banda asturiana, que levará o título de “Superioridad Mofral”.

Doctor Explosión foron unha das sensacións da primeiro onda indie dos noventa aínda que o seu era máis ben o garage-punk máis vándalo, en español (o cal era outra anomalía dentro do movemento) e cunha indisimulada inclinación polos sesenta. E aínda que o ingrato mercado español pasou a ignoralos pasada o moda alternativa, o grupo soubo manterse como banda de culto do garage máis descacharrante e festivo e facerse un oco a nivel internacional.

Desde os noventa non só viraron por medio mundo, desde Xapón a case toda Europa, os Estados Unidos ou Oceanía, senón que os seus discos cotízanse no mercado internacional como as pequenas xoias revival que son, publicadas polo lendario selo norteamericano Get Hip. Editaron decenas de Lp´s, singles, ep´s e mini elepés, á parte dun libro e decenas de vídeo clip´s, participaron en multitude de recompilatorios e homenaxes.

O seu líder, Jorge Explosión, é o artífice dos estudos Circo Perrotti, de Xixón, por onde pasaron algunhas das máis míticas figuras do son retro sixty, como a marabillosa Holly Golightly, o seu padriño, o disléxico Billy Childish ou os inesquecibles The Cynics, de Pittsburg. Segundo contan as crónicas, o seu directo segue sendo tan irresistible e explosivo como nos tempos nos que os tres membros vestían saias plisadas de colegialas.

Entradas anticipadas