O 23 de abril celébrase o Día do Libro, e O Corte Inglés súmase a esta celebración, na que se fomenta a lectura e recoñécese a figura do autor, organizando firmas e presentacións de libros na librería (planta 5ª):

• Martes 22 ás 18:00 horas, o escritor Reka Refojos asinará exemplares de Detritus, o seu terceiro libro, despois de Crónicas de la Ría e Melide. Entrar nun campo de amapolas e teletransportarse a outra dimensión. Ser o bosquexo protagonista dun cadro e cobrar vida. Estar na mente dunha persoa enferma de Alzheimer. Penetrarse a través dos filamentos dunha tostadora, son algúns exemplos que che podes atopar unha vez que che mergullas no mundo de Detritus.
• Mércores 23 ás 18:00 horas, a escritora Amara Castro atoparase cos seus lectores asinando exemplares da súa novela Hasta sempre, Malena Giestal. En contra das expectativas familiares, a moza Malena Giestal decide abandonar as oposicións para emprender un negocio de confección de bolsos. Dando pasos que a levarán ao límite, descubrirá que, nas adversidades, pode haber unha oportunidade para volver comezar. Cunha prosa áxil, intimista e adictiva, Amara Castro Cid mergúllanos no Vigo actual, escenario dunha historia tan inquietante como esperanzadora.
• Xoves 24 ás 18:00 horas, será a quenda de Mav Alonso que estará a asinar exemplares da súa novela La herida que merezco, gañadora do premio a La Mejor Novela Romántica en los Premios Círculo Rojo 2024.
• Venres 25 ás 19:30 horas, Jorge Rial presentará La magia que vive en ti. É o primeiro libro de Rial, Coach Profesional, Master Trainer en Programación Neurolingüística e Terapeuta en Psicosomática Clínica e Transgeneracional, que cumpre co seu obxectivo de axudar ás persoas para atopar o camiño cara á profundidade do ser interior, mediante unha metodoloxía aplicada ás experiencias de vida.
• Sábado 26 ás 17:30 horas, Juan Abalde recibirá aos seus lectores asinando a súa novela Las cuevas de Sóliman. Abalde narra neste libro a historia de catro adolescentes que ven inesperadamente alteradas as súas vacacións de verán ao verse inmersos, sen sabelo, no medio dunha investigación policial. Ao mesmo tempo, dúas familias, aparentemente sen conexión algunha, sufrirán o secuestro dos seus fillos.