Club Faro: Edu Galán

O Club Faro continúa a súa programación de febreiro. As conferencias-coloquio celebraranse ás 8 da tarde no MARCO, con entrada libre ata completar o aforo de 150 persoas.

“Por que a moral converteuse nun valor de mercado?”. É a cuestión que centrará a charla do psicólogo, escritor e crítico cultural Edu Galán. Na súa opinión, o neoliberalismo e a masificación das novas tecnoloxías redefiniron a nosa forma de relacionarnos baseándose no control moral do outro.

Terá lugar o mércores, día 8 de febreiro ás 8 da tarde no Salón de actos do MARCO, presentado por José Luis Fernández Sastre, xefe de sección de psiquiatría do Hospital Álvaro Cunqueiro.