Hoxe en día, unha gran parte dos materiais que consumimos, tráense de moi lonxe. Moitos dos produtos que consumimos e producimos no Norte proveñen de países do Sur ou países empobrecidos onde contaminar ou contratar a traballadores en precarias condicións é máis fácil e barato. Todos os impactos ambientais e sociais que ocorren nos países do Sur debido á nosa actividade económica e consumo supoñen unha débeda; unha débeda ecolóxica.
Neste documental explícanse os impactos da minería de estaño en Bolivia, a pesca masiva de atún no Océano Índico Occidental e dos cultivos de aceite de palma africana en Indonesia.