Ciconia

O proxecto musical Ciconia nace cando o baixista Jorge Fraguas, que levaba máis de 18 anos inmerso en concertos, xiras e gravacións con diferentes bandas; decide poñer en marcha dita banda de rock instrumental. Influenciado por bandas como Opeth, Anathema pasando por Caspian, Long Distance Calling, Toundra, Mogway ata Liquid Tension Experiment, Porcurpine Tree e con algúns pequenos detalles de son stoner rock. Para completar a formación da banda únense a este proxecto musical David Manso e Javier Astonaga como guitarristas e Aleix Zoreda á bateria.

Entre Novembro e Decembro do ano 2013 a banda entra no estudo para gravar o que será o seu primeiro traballo titulado “The Moon Sessions”, que verá a luz no ano 2014. “The Moon Sessions”, composto por 7 temas, malgasta clase, forza e nalgúns momentos mesmo nos fará voar a un mundo imaxinario cheo de paz e tranquilidade como, por exemplo, sucede no tema titulado “Honey On Thorns”.

“Bibey” e “Jack Ou’Lantern” son os temas máis curtos do álbum. “Bibey” foi o tema elixido para o primeiro vídeo musical da banda. Tanto “Bibey” como “Honey On Thorns” son claros exemplos do estilo musical polo que aposta a banda, un de máis forza e potencia (“Bibey”) e outro máis acougado e, ás veces, relaxante (“Honey On Thorns”). Como dixemos anteriormente nalgúns temas ambos os estilos mestúranse para disparar todos os nosos sentidos.

Actúan o venres 10 de marzo ás 21:30 horas no Pub Transylvania. Podes adquirir as entradas premendo aquí, desde 12,00€.