Charla + concerto Berto

A programación contén grandes nomes das industrias culturais desenvolverase ao longo de cinco días, do 6 ao 10 de febreiro, cun total de 11 actividades presenciais no Conservatorio Superior de Vigo, abertas ao público xeral e gratuítas. Tamén haberá activdades na ESAD Galicia, estas de acceso exclusivo para o alumnado.

O último día, venres 10 de febreiro, conta con dúas actividades no auditorio Martín Códax. A primeira terá lugar ás 18h baixo o título “A xestión cultural: da incertidume á confianza”, como protagonista María Pereira, directora de Acción Cultural da fundación Cidade da Cultura de Galicia, quen compartirá os seus coñecementos adquiridos ao longo da súa longa traxectoria profesional liderando iniciativas culturais.

Como peche, o artista pontevedrés Berto estará a partir das 20h no auditorio compartindo co público o proceso de creación dalgúns dos seus proxectos e pechará a súa itervención cunha actuación musical.