Centenario Celta Atletismo

O Real Club Celta de Atletismo está de celebración e quere compartir este momento histórico con toda a familia céltica. Este venres 11 de outubro, na sede do RC Celta, conmemoraremos os 100 anos de historia do noso club cun evento especial, que unirá a todos aqueles que ao longo dun século contribuíron a facer do Celta Atletismo un referente a nivel local, autonómico e nacional. 

A xornada comezará ás 19:30h cunha mesa redonda titulada «@s nos@s Olímpic@s”, onde figuras relevantes do atletismo e o olimpismo compartirán as súas experiencias e reflexións sobre o espírito olímpico e o deporte de alto nivel. Os ponentes iranse desvelando nas próximas semanas a través das nosas redes sociais. A mesa redonda está aberta ao público xeral cun prezo de 10€ por entrada. 

Tras o coloquio, ás 21:00h dará comezo a cea-cóctel, seguida ás 21:30h da actuación musical en directo de Broken Peach, un grupo galego recoñecido polo seu estilo vibrante e orixinal. A partir das 23:00h, a festa continuará coa actuación DJ de Pabs, quen se encargará de poñer ritmo a unha noite inesquecible. E, para pechar con broche de ouro, a partir da 1:00h os maiores de 18 anos poderán gozar do after party oficial na Sala Gatsby – «The Great G», con descontos especiais e sorpresas preparadas para esta ocasión tan especial.