O restaurante As Cunchas acolle este sábado 5 de abril unha nova edición da súa xa famosa Batalla de Bocadillos. Esta vez, o imbatible bocadillo de tenreira da serie The Bear, gañador das dúas últimas edicións, enfrontarase ao saboroso sándwich cubano da película Chef. Quen levará a coroa esta vez?

Aínda que o bocadillo de The Bear arrasou en anteriores edicións, esta vez o duelo está máis rifado que nunca. As expectativas sobre o sándwich cubano son altísimas. Fai algo máis dun mes, desde as redes sociais de As Cunchas lanzouse unha enquisa para que fosen os propios seguidores quenes elexiran ao adversario. Entre as opcións estaban o bocadillo de pastrami de Cuando Harry encontro a Sally, a hamburguesa Big Kahuna de Pulp Fiction e o sándwich cubano de Chef. E aínda que a hamburguesa foi a elixida por moitos, o claro gañador foi o Sándwich Cubano da película The Chef, e é que a película é tamén unha homenaxe a esa gastronomía rueira que tanto gusta aos foodies.

Como sempre, o Chef Gudini e Xacobe Losada quixeron dar o seu toque máis galego a este clásico da gastronomía cubana, un sándwich cheo de sabor cargado de lacón galego, queixo gouda, lombo marinado, pepinillos, mostaza e mollo verde. Así que este sábado todos os foodies vigueses están convidados a esta nova edición da Batalla de Bocadillos, esta vez en sesión a partir da 13:00h da tarde. Ademais, haberá música da man de DJ. Nu.Eva e algunha que outra sorpresita para todos aqueles que se animen a probar os dous bocadillos e votar quen queda como gañador. Un dato importante para todos os celíacos e intolerantes ao glute é que ambos os bocadillos están dispoñibles en opción de pan sen glute.

Todos os que proben os bocadillos poderán votar a través de Instagram ese mesmo día e entre todos os participantes elixirase un gañador/a que levará un premio sorpresa.

O bocadillo gañador desta edición volverá ao ring no outono, e é que parece que aínda quedan moitas ganas de seguir probando bocadillos de película.