Neste lenzo de xardíns secretos, onde as cores e as pinceladas son refuxio, a exposición revela a súa alma nun proceso lento e constante de creación. O xardín, ese santuario de calma e vida, despregase ante nós, medrando e completándose nunha danza continua. As flores e follas que unha vez emerxeron timidamente, agora vense acompañadas por árbores que alzan a súa maxestosidade cara ao ceo.

Este é o relato que podo compartir ata agora, aínda que eu mesma, atrapada no misterio do proceso creativo, non sei exactamente que pinto nin cara a onde me levará este camiño. Atopo inspiración na natureza próxima, na poesía, na música e nas miniaturas persas, intentando absorber a súa esencia e recreándoas coa miña propia voz imperfecta e asimétrica desde a miña humildade.

Fuxo da perfección, atopando a felicidade no medio do desequilibrio. Perdida sen desexo de atopar un sendeiro fixo, déixome levar polo labirinto da creación, gozando das pequenas procuras e descubrimentos que xorden en cada esquina. Non teño présa por abandonar este labirinto, pois no seu enigma atopo a miña liberdade.

Mina Shayan @‌mimshayan

Do 20 de febreiro ao 27 de marzo

Inauguración 20 de febreiro ás 19:30