'O coelliño branco'

Libros para soñar celebra unha festa de aniversario do conto O coelliño branco da man do seu autor, Xosé Ballesteros. Será unha sesión especial de animación á lectura dedicada a un dos títulos máis emblemáticos do catálogo de Kalandraka.

Ilustrado por Óscar Villán, quen recibiu o primeiro Premio Nacional de Ilustración en 1999 polo seu traballo nesta obra, é un relato tradicional portugués, adaptado por Xosé Ballesteros. Dicía Ana María Matute que os contos elixen as persoas que os contan e ese conto elixiume a min como transmisor, ten explicado o autor vigués, que chegou a esta historia a través das súas investigacións arredor do folclore portugués.