Alex Aller & Margarida Mariño

Transmutation é froito da unión de Alex Allex & Margarida Mariño a través do cal presentan un repertorio orixinal composto para electrónica e cello que xorde conceptualmente dunha reflexión ao redor da morte e as posibilidades de transcendencia do aparentemente efémero da condición humana.

De carácter marcadamente evocador e introspectivo, as diferentes pezas diverxen entre xéneros como ambient, ritual ou neoclásico. A posta en escena preséntase como un proxecto multidisciplinar incluíndo proxeccións da artista visual Irene Sáenz.

O proxecto presentouse con boa acollida en WOS Festival 2023 e continúa a súa xira de presentación a nivel internacional.