Obradoiros 'Simultánea'

Afundación presenta o seu programa de obradoiros de Nadal dirixidos aos máis pequenos da casa. No marco da macroexposición «Simultánea», coa que a entidade celebra o seu décimo aniversario, presenta unha serie de obradoiros nos que os nenos e nenas visitarán, en primeiro lugar, a exposición para, a continuación, crear unha auténtica obra de arte de Nadal que combinará a sostibilidade, a creatividade e a imaxinación.

Partindo da premisa de que, debido ao quecemento do planeta, apenas nevou nestas festas, como solución, os participantes deberán crear as bólas de neve coas súas propias mans. Celebraranse na Sede Afundación de Vigo os días 26 e 27 de decembro e 2 e 3 de xaneiro, de 11.30 a 13.30 h. As entradas para participar pódense adquirir na web Ataquilla.com.

Ademais, no centro interactivo de educación ambiental de Vigo, Naturnova, os días 27 de decembro e 3 de xaneiro, de 11.30 a 13.00 h, celebraranse uns obradoiros de bolboretas, insectos e arácnidos. Nenos e nenas (acompañados dun adulto) poderán tocar, ver e aprender da maneira máis lúdica sobre insectos pau xigantes, tarántulas, escorpións, bolboretas etc. Esta actividade celébrase no marco do programa «Cultura por alimentos» e as prazas dispoñibles xa foron cubertas.

Entradas