Abril

No marco do proxecto Simultánea, Afundación celebra o DÍA INTERNACIONAL DA MÚSICA, O 22 DE NOVEMBRO, con sete concertos simultáneos nas súas salas de exposicións.

Entradas: De balde con reserva de entrada. Para acceder ao concerto, ademais de presentar o ticket retirado en Ataquilla, deberán achegar alimentos non perecedoiros, que irán destinados ao Banco de Alimentos no marco do proxecto solidario de Afundación.

Abril é tradición renovada; sons de raíz en harmonía co presente. Un microcosmos folclórico no que as identidades converxen e crean comunidade. Claudia Abril (voz e percusións) e Marina Carpente (violín e voz) integran este proxecto no que melodías tradicionais galegas e ibéricas son adaptadas a sonoridades actuais con certa intimidade, personalidade e frescura.