A Cabalgata de Reis de Vigo vese obrigada a cambiar de localización ante a previsión de chuvias para o domingo. O Concello anunciou que en lugar de celebrarse ao aire libre na Avenida de Castelao e as rúas do centro da cidade, a gran comitiva real será recibida no IFEVI. As familias poderán achegarse a saudar aos Reis Magos e ver as dez carrozas que compoñen a cabalgata o domingo de 10:00 a 14:00 h e de 17:00 a 20:00 h. Ás 19:00 h o alcalde Abel Caballero achegarase ao IFEVI para entregar a súas maxestades de oriente as chaves da cidade.

Aínda que as carrozas estarán ubicadas nos pavillóns un e dous a entrada realizarase polo pavillón tres. Desde aquí realizarase un percorrido circular, que estará perfectamente sinalizado, para saír pola entrada principal do recinto ferial. Ademais, habilitarase un servizo de bus especial durante toda a xornada para facilitar a mobilidade ata o IFEVI de toda a cidadanía.

Nesta edición participan once carrozas: 5 son municipais (Policía Local, Carteiro Real, Melchor, Gaspar e Baltasar) e as outras 5 son carrozas de empresas colaboradoras.  A temática deste ano evoca os “Contos de Nadal”.