25 anos de o Fiadeiro

O Fiadeiro presenta unha gala creada para conmemorar os 25 anos da asociación.

O obxectivo principal será divulgar e promover o patrimonio inmaterial, realizando unha viaxe no tempo a través da interpretación de melodías e bailes de todo o territorio galego que acompañaron ó Fiadeiro ó longo da súa historia.

A escolla está feita para amosar a evolución do grupo, apoiada pola proxección dunha curtametraxe e unha coidada posta en escena. Con todo isto esperan que todas e todos podamos vivir algo único.

O domingo 12 de marzo ás 18:30 horas no teatro Afundación. Podes adquirir as entradas premendo aquí, desde 10,00€.