Volve o Pequefreak con máis días, máis curtametraxes e un xurado infantil

Publicado o por

A sección infantil do Galician Freaky Film Festival chega á súa quinta edición con curtametraxes inéditas, obradoiro de efectos especiais, a proxección de Cariño, he encogido a los niños e un novo premio. As entradas xa están á venda na web do festival.

Obradoiro no Pequefreak 2023 | Paula Cermeño

A V edición do Pequefreak celebrarase os días 20 e 21 de setembro na sala Apo’strophe.arte e nos Cines Tamberlick da Praza Elíptica de Vigo. O evento brinda aos pequenos da familia a experiencia de participar nun festival de cinema por primeira vez, con proxeccións de curtametraxes internacionais, obradoiro de efectos especiais e a proxección de Cariño, he encogido a los niños. As entradas para todas as actividades xa están á venda na web desde

O gran éxito do Pequefreak no 2024 levou á organización do festival a ampliar o evento a dúas xornadas nas que as familias desfrutarán de máis actividades e máis proxeccións baixo o lema Se es pequeno e es freak, vén ao Pequefrek!. Os pequefreaks poderán gozar novamente dunha selección oficial de vinte curtametraxes chegadas de países como Lituania, Xapón, Canadá, Francia ou Corea do Sur, ademais de galegas. Do total de obras, dúas son premiers mundiais, tres estréanse en España e sete en Galicia. 

Como novidade desta edición, o Pequefreak contará cun xurado formado por nenos de entre 9 e 11 anos, os cales entregarán o novo Gran Premio Pequefreak á mellor curta infantil. Os interesados en formar parte deste especial xurado poden inscribirse na web do festival ata o próximo 22 de agosto.

O GFFF traslada ao Pequefreak a temática Mad Doctors que percorre todo o festival e proxectará Carño, he encogido a los niños, unha película imprescindible da infancia dos milenials, que poderán desfrutar na gran pantalla e en compañía dos seus fillos. Dirixida por Joe Johnston, director de Jumanji, e estreada en 1989, o filme xira en torno ao científico Wayne Szalinski, quen accidentalmente encolle aos seus fillos a un tamaño diminuto, desencadeando unha serie de aventuras no xardín da súa casa. 

Outro dos puntos fortes do programa é a celebración do exitoso obradoiro de efectos especiais prácticos impartido polo artista Ricardo Spencer. Cada ano, a rapazada desfruta aprendendo técnicas para crear feridas, cortes, amputaci´çons e esceas de acción mentres dan renda solta á súa imaxinación. Dado o éxito sábado 20 ou o domingo 21 e están xa dispoñibles na web do festival.

The following two tabs change content below.

Paula Cermeño

Licenciada en xornalismo pola USC, pero a súa principal ocupación é viaxar. Mentres aforra para dar a volta ao mundo, traballa como redactora e xestora cultural. Gústanlle os libros, o audiovisual, o teatro e o rock and roll, por iso é doado atopala en moitos dos saraos vigueses.

Publicaciones relacionadas:

  1. Xacobeo Wild Race volve con máis quilómetros, máis obstáculos e unha versión infantil
  2. Volve o Pequefreak,  a xornada para público miúdo do GFFF
  3. Pequefreak, o certame de cinema gamberro para os máis novos
  4. Samantha Vallejo Nágera formará parte do xurado do Mercado de Sabores