Viña Costeira propón unha maridaxe de viño e bombóns nas súas bodegas para este Nadal
Durante estas festas Viña Costeira convídanos a vivir unha experiencia do máis especial descubrindo a maridaxe perfecta dos viños de Viña Costeira e os bombóns Ferrero Rocher. As visitas poden realizarse de luns a sábado ata o 4 de xaneiro. Preme aquí para reservar!
Ribadavia foi escollida como a vila máis bonita de España segundo a famosa marca de bombóns Ferrero Rocher na súa campaña ‘Juntos brillamos más’. Ademais de atraer a moitos máis visitantes do habitual, todo o alumeado de Nadal deste ano corre a conta da empresa italiana. Aproveitando o tirón, Viña Costeira organiza desde esta semana ata o 4 de xaneiro, de luns a sábado, unhas visitas ás súas instalacións en Ribadavia. Alí poderemos probar unha maridaxe do máis particular: viño e Ferrero Rocher.
O plan vai máis aló: gozaremos das mellores vistas do río Miño desde o miradoiro de San Cibrao, introducirémonos na viticultura máis tradicional do Ribeiro mentres percorremos os viñedos e coñecemos as principais variedades de uvas autóctonas da zona e as súas diferenzas. Para rematar, a visita Viña Costeira convídanos a descubrir as elaboracións e os produtos máis especiais e participar nunha cata guiada de dous viños na Enotienda maridados con bombóns.
O prezo por persoa é de 15 euros, con tarifa reducida para os menores de 10 anos e gratis para os menores de catro. Xa é posible reservar a visista na web de Viña Costeira. Máis información no 648 237 385.
Sobre Viña Costeira
Os viños de Viña Costeira están enmarcados na denominación de orixe máis antiga de Galicia e probablemente unha das máis antigas de Europa: a D.O. Ribeiro. A súa diversidade de varietales é unha das riquezas que a historia outorgou ao Ribeiro. As distintas cepas contribúen a que a paisaxe da comarca non sexa un uniforme monocultivo, senón un tapiz sorprendente, cuxa riqueza achega ao viño incribles combinacións de matices e aromas.
Treixadura, Torrontés, Loureira, Lado, Albariño e Godello son as grandes variedades de uva autóctonas que interveñen na elaboración dos brancos e delas toman a súa frescura, o seu corpo e os seus aromas. Caiño, Brancellao, Sousón, Ferrón e Mencía son as protagonistas dos tintos, saborosos e de crecente calidade
