Vigo condena á fogueira ao meco de Feijoo – A Movida

Vigo condena á fogueira ao meco de Feijoo

Escrito o por

Os vigueses non tiveron compaixón e reduciron a cinzas ao rei do Entroido, que nesta ocasión era un Feijoo cun martelo dinamitando o transvase do Eiras. Esta tarde porase fin as celebracións coas exequias funerarias e o sepelio ao meco.

O pase de diapositivas require JavaScript.

Baixo o grito de lume, ás 11 da noite do martes de Entroido o meco de Feijoo ardía na Porta de Sol de Vigo. A lei imponse un ano máis na cidade e chega así o fin dunha festa caracterizada pola sátira, a burla e a troula.
Tras a queima do meco, unha comitiva relixiosa transportou as cinzas ata a Praza da Constitución acompañada pola comparsa decana de Os Tarteiras, que se encargaron de armar barullo. Os Tarteiras que este ano van vestidos de piolíns e Silvestres facendo un guiño a política nacional, non deixaron de tocar e bailar como derradeiro acto de rebeldía antes de que O Entroido chegue ao seu fin. Esta tarde ás 18:00 terán lugar as exequias solemnes e o sepelio ao meco que porán o punto final a seis días de festa. Hoxe, tamén se entregarán os premios do desfile de comparsas celebrado o pasado sábado no centro da cidade.

The following two tabs change content below.
My Twitter profileMy Facebook profileMy LinkedIn profileMy Instagram profile

Tamara Novoa

Xornalista por vocación. Marchou a Londres estudar un master en Xornalismo Internacional e tras traballar varios anos en Barcelona nunha Asociación sen ánimo de lucro, decide volver ao seu Vigo natal. Na actualidade é unha das creadoras deste proxecto. O que lle permite desenvolver unha das tarefas polas que sinte maior paixón: contar historias relacionadas coa cultura e a movida da súa ben querida cidade olívica.
Compartir
X