Unha escola de moda no Centro Comercial Gran Vía – A Movida

Unha escola de moda no Centro Comercial Gran Vía

O centro Comercial Gran Vía converterase nos próximos tres meses nunha escola de moda. Os Tipos de posados, coreografías, o proceso creativo dun deseño  ou os secretos sobre a plataforma Youtube son algunhas das cuestións das  masterclass que serán impartidas un sábado ao mes en abril, maio e xuño de 10 horas a 14 horas.

A iniciativa Gran Vía Trend College supón unha oportunidade de vivir a moda desde unha perspectiva máis profesional para aquelas persoas que estean interesadas neste campo. Deste xeito, clientes, alumnado de deseño, mozos e mozas influencers ou profesionais interesados en recibir formación complementaria poderanse inscribir nestas clases, dun xeito totalmente gratuíto, e recibir nocións sobre esta materia da man dos profesionais do sector.

O 27 de abril inaugúrase a programación co curso Catwalk & flash, no que a modelo e presentadora Paloma Lago explicará os diferentes tipos de posados, máis todo o necesario para isto como os xiros ou os pasos, e a postura corporal.  O mesmo día o fotógrafo Jacobo Gayo falará sobre os diferentes xeitos de actuar fronte a cámara, con explicación de técnicas faciais.

O Gran Vía Trend College seguirá o seu percorrido xa no mes de maio, o 25, pois ten lugar a Fashion& stylish , formación na que a deseñadora internacional María Barros revelará os secretos sobre o proceso creativo dun deseño de moda e a influencer e experta en comunicación de moda María Canle explicará a importancia da imaxe á hora de visualizar a identidade.

Para pechar os tres meses de masterclass sobre o mundo da moda, a youtuber Isabel Villanueva (Isashopaholic) acercará os segretos sobre o fenómeno de Youtube, aplicado a esta disciplina e os dj´s Pepino&Crawford amenizarán a sesión vermú o sábado 22 de xuño.

O Centro Comercial Gran Vía presentou esta iniciativa coa participación de, por un lado, representantes das escolas de Moda e Deseño máis importantes de Galicia, a profesora do departamento de Moda da EASD Mestre Mateo, Noemí Vázquez, a profesora do departamento de Historia do Arte da Universidade de Santiago de Compostela, Fátima Díez, a directora do Máster de Deseño da Universidade de Vigo, Lola Dopico e, por outra banda, coa manager Director da revista Galicia de moda, María Canle, e a directora de marketing do centro comercial Angélica Falagán.

A participación nestas masterclases é gratuíta pero é necesario reservar praza a través da web do Centro Comercial Gran Vía

27abr10:00Gran Vía Trend College: Catwalk & flashOBRADOIRO | De balde10:00 C.C. Gran Vía

25mai10:00Gran Vía Trend College: Fashion& stylishOBRADOIRO | De balde10:00 C.C. Gran Vía

22xuñ10:00Gran Vía Trend College: Isabel Villanueva e Pepino&CrawfordOBRADOIRO | De balde10:00 C.C. Gran Vía

The following two tabs change content below.

Eva M. Porto

Dende que a súa nai e o seu pai lle regalaron o libro dos por ques, decidiu que sería a nena que buscaría sempre os porqués. Estudou o Grao en estudos do galego e do español na Universidade de Vigo e no 2016 comezou o Grao de Periodismo na Universidade Europea Miguel de Cervantes. Aprendou o “oficio máis bonito do mundo” en Radio Vigo, Diario de Pontevedra e Onda Cero Ourense. Protestando dende 1993.
Compartir
X