The Wild volve en setembro como a última gran festa do verán en Vigo

Publicado o por

O festival acaba de anunciar as datas da súa sétima edición, que se celebrará do 5 ao 7 de setembro no Parque Forestal de San Miguel de Oia. Unha fin de semana de música, cine e actividades ao aire libre para desconectar da rutina e conectar coa natureza.

Fotos: Paula Cermeño

O festival multidisciplinar The Wild volve do 5 ao 7 de setembro para afianzarse como unha das últimas festas do verán. Como en edicións anteriores o festival programará concertos de bandas galegas e nacionais, proxeccións de cine e  actividades infantís, ademais de zona gastro, mercado e propostas para coñecer a contorna.

O Parque Forestal de San Miguel de Oia, no que ten lugar o certame, é un dos grandes protagonistas do evento. Unha zona arbolada, a poucos minutos do centro da cidade e das praias, que recibe aos visitantes cunhas impoñentes vistas da ría e as Illas Cíes. Cada ano, o público ten a posibilidade de coñecer a zona a través dunha andaina guiada pola Comunidade de montes e unha ximcana de orientación, así como de quedar a durmir nesta paraxe natural. 

Proxeccións de The Wild Cinema

Desde a súa primeira edición en 2019 The Wild ten o obxectivo de poñer en valor o patrimonio natural e concienciar sobre a importancia do coidado dos nosos montes.  É por isto que todas as actividades que programadas están alineadas con esta filosofía. Unha das máis chamativas e únicas é a organización de The Wild Cinema, un festival internacional de cine medioambiental que proxecta ao aire libre curtametraxes que convidan a coñecer e coidar do medio ambiente.

REVISTA NOVEMBRO
Ángel Stánich en The Wild 2023

O cartel musical do festival, que se desvelará nas próximas semanas, estará centrado na música rock e folk e as súas vertentes. Nos últimos seis anos subíronse ao escenario de The Wild importantes bandas nacionais nacionais como Ángel Stánich, Arizona Baby, Los Zigarros, Corizonas, Aurora & The Betrayers e Moonshine Wagon; e galegas como Familia Caamagno, Stoned at Pompeii, Aphonic, SÉS, Terbutalina, Moura ou Susana Seivane.

The following two tabs change content below.

Paula Cermeño

Licenciada en xornalismo pola USC, pero a súa principal ocupación é viaxar. Mentres aforra para dar a volta ao mundo, traballa como redactora e xestora cultural. Gústanlle os libros, o audiovisual, o teatro e o rock and roll, por iso é doado atopala en moitos dos saraos vigueses.

Publicaciones relacionadas:

  1. Volve The Wild Cinema, o festival internacional de cine e ecoloxía de Vigo
  2. Volve o festival decano de Vigo, volve o Revoltallo
  3. O Sinsal volve ao Museo do Mar este setembro
  4. O Barbeira Season Fest de Baiona volve o 19 de setembro con parte do cartel orixinal