Surfing the Lérez, Millo Verde e Salvemos a Barroca esta fin de semana en Vigo
Esta fin de semana damos comezo aos festivais de verán con varias propostas preto da cidade. Para máis información, preme nos títulos e, se queres coñecer todos os eventos que hai esta fin de semana en Vigo, entra na axenda de A Movida.
FESTIVAL MILLO VERDE – Xoves, venres e sábado na Praia de Cesantes (Redondela) – Desde 17,00 €
18ª edición chea de música e reivindicación. Entre os cabezas de cartel destacan La Perra Blanco, Morgane Ji e Jason Kane & The Jive. O evento, de espírito alternativo e autoxestionado, ofrecerá tamén obradoiros, contacontos e actividades de protesta contra a planta de Altri.
FESTIVAL SURFING THE LÉREZ – Venres e sábado na Illa das Esculturas (Pontevedra) – De balde
Alba Reche, Ángel Stánich e Arizona Baby son os cabezas de cartel deste festival de música de balde que ofrece, ademais de concertos, un mercado emerxente e merchandising; unha zona de recollida de alimentos; Barras e foodtracks; e unha zona infantil.
MONÓLOGO DE MIGUEL LAGO – Vernes e sábado en varios horarios – Auditorio Afundación – Desde 17,80 €
O seu Comedy Club ao estilo dos de Broadway onde cada función é única. Novos textos, novas rutinas, outras clásicas, reflexións sobre a actualidade e anécdotas persoais, todo co inconfundible selo e a mestría de Miguel Lago.
CONCERTO DE GAEL DE PAPEL – Venres ás 20:00 h na Morada – Caixa inversa
Concerto de Gael de Papel, un proxecto de música orixinal que vén desde o sur de Portugal e quedou en Galicia. Mestura o folk con música antiga e jazz e ten letras comprometidas.
Proposta de anticonferencia na que o dramaturgo e performer Julio Fernández Peláez móstranos unha serie non acabada de accións atravesadas pola idea dun fascismo que pasou de ser latente a ser argumento firme da realidade
CONCERTO DE KID MOUNT – Venres ás 22:00 h na Sala Kominsky – 7,14 €
O artista de Xinzo de Limia, cpresenta ‘NeoAmor’, un EP de sete temas sobre as distintas formas de amar que combina neoperreo, funk brasileiro e emoción sen filtros.
ANIVERSARIO DO BAR PRINCESA – Sábado de 12:00 a 22:00 h no Bar Princesa – De balde
25 Aniversario do bar da Praza da Constitución con concertos, petiscos e sorpresas.
ORGULLO CRÍTICO: FESTIVAL EUFORIA – Sábado e domingo – Varias localizacións – De balde con reserva
O Festival Euforia é un evento cinematográfico centrado na creación audiovisual da comunidade trans e non binarie. O programa inclúe un obradoiro de cine, outro de fanzines e a proxección de curtametraxes.
UNHA TARDE MÁXICA CON SAMUEL MORENO – Sábado ás 18:00 h en Magia en la manga – Desde 8,00 €
Maxia, risas e sorpresas para gozar en familia. Un dos magos de Magia en la Manga sóbese ao escenario xunto ao incrible Samuel Moreno, o novo talento de Tomiño que cegou en festivais de todo o país e no famoso programa Got Talent.
Xornada de mercado e música organizada por Salvemos a Barroca: plataforma cidadá pola conservación da última carballeira de San Paio de Navia (Vigo), ameazada pola construción do multiusos Vigo Arena.