Sete concertos entre semana para gozar da música en directo en Vigo
Aínda que as fins de semana son máis propensas para consumir música en directo, Vigo goza dunha interesante oferta de concertos durante a semana, algúns deles recurrentes como os martes de jazz na Casa de Arriba. Recompilamos sete das actuacións máis interesantes, tanto de artistas galegos como internacionais. Preme no título de cada evento para máis información. Se queres coñecer todos os eventos que hai esta fin de semana entra na axenda de A Movida.
Mércores 9 | VERBENAS DA CARIDADE: RUMBATENLA na Casa da Caridade ás 19:30 | Desde 13,00 €
A Casa da Caridade, no barrio do Berbés, acolle a primeira edición de ‘Verbenas na Caridade’, un ciclo musical benéfico ofrecido pola Orquesta Clásica de Vigo que comeza o 2 de xullo. Os tres primeiros mércores de xullo celébranse eventos nos que, ademais de música, haberá un mercado de artigos de segunda man e un servizo bar. Para Rumbatenla, o cuarteto de saxofóns Kritis ofrece unha revisión dos xéneros populares durante a primeira metade do s.XX. Interpretarán pezas orixinais, grandes éxitos do momento e pezas preservadas nun arquivo personal.
Mércores 9 | GRINGO STAR en Mondo Club ás 21:00 h | De balde
Cando os Gringos chegaron a Atlanta en 2006, eran amplamente coñecidos pola súa destreza musical, cos seus catro membros intercambiando instrumentos canción tras canción. Agora, cun baterista fixo, iso continúa, pero é menos evidente. Aínda así, en 2019, Creative Loafing, entón o árbitro do “xenial” e o “cool” en Atlanta, elixiu aos Gringos como a mellor banda de rock en vivo da cidade.
Caracterizados polas súas actuacións intensas e suorentas, tanto os fans como a crítica observaron que a banda o dá todo en cada concerto. Realizaron xiras por todo o país e Europa unha e outra vez, tocando noite tras noite e sen perder o ritmo. Fundada por Nick e Peter Furgiuele, co guitarrista/vocalista Josh Longino e o baterista Mario Colangelo, os irmáns Furgiuele crearon un son único desde os seus inicios.
Xoves 10 | FOUR PASSENGERS na terraza do CC A Laxe ás 19:00 | De balde
Summer Music! é o ciclo organizado polo Centro Comercial A Laxe ao longo dos meses de xullo e agosto con concertos de balde os xoves ás 19:00 h na súa terraza fronte ao mar. O grupo de versións de rock e blues Four Passengers son os segundos en pasar por este fermoso escenario.
Xoves 10 | SARRIA + THE HURT FINGERS no Vigo SeaFest ás 20:30 e 22:30 | De balde
Os encargados de abrir a programación musical do festival gratuíto Vigo SeaFest serán The Hurt Fingers, trío portugués de rock sesenteiro e setenteiro. Xa no escenario principal actuará Sarria, músico malagueño considerado unha das grandes esperanzas do rock estatal.
Xoves 10 | TOQUINHO + CAMILLA FAUSTINO no Mar de Vigo ás 21:00 h | Desde 28,00 €
Vigo será unha das paradas da xira na que Toquinho celebra 60 anos de carreira musical cun espectáculo no que revisará os grandes éxitos do seu repertorio coa compañía de Camilla Faustino, considerada unha das maiores voces da chamada Nova MPB. No concerto, que se celebra o 10 de xullo ás 21:00 no Mar de Vigo, presentarán as músicas que formaron parte de traxectoria de Toquinho. No show rememora momentos da historia do cantante, lembrando tamén amigos, compositores e socios que axudaron a creala. Ao lado de Toquinho, Camilla Faustino dá cor e beleza ao espectáculo, con seu inmenso talento e musicalidade, traendo toda súa xuventude, carisma e agregando dinamismo e unha dose extra de alegría ao show.
Xoves 10 | SR. SALVAJE na Sala Rebullón ás 21:00 h | Caixa inversa
En xullo e agosto, regresa Os Solpores da Rebullón, un ciclo cultural que se celebrará todos os xoves nos exteriores do Centro Cultural As Pedriñas (Tameiga, Mos). Trátase dunha proposta cultural consolidada que aposta por artistas locais e un formato único: concertos ao solpor nun entorno natural e familiar. Todos os concertos serán ás 21:00 h e funcionarán con caixa inversa. A banda compostelá de rock Sr. Salvaje serán os segundos en actuar dentro deste ciclo.
Xoves 10 | DEAD POET SOCIETY na Sala Masterclub ás 22:00 h | Desde 22,00 €
Os americanos Dead Poet Society estréanse en Galicia cun concerto na sala Masterclub de Vigo.Despois dun álbum de debut (–-), con trallazos como “Intoodeep” ou “C.ou.D.A” , co que empezaron a xurdir as comparacións (que se os novos Biffy Clyro, que se toques de Royal Blood, Muse, etc.) e un segundo disco (Fission) con singles brutais como “I hope you hate me” ou “Hurt”, pasaron a xogar noutra liga. 2024 supuxo a súa estrea en España deixando shows eléctricos e con entradas esgotadas en Madrid e Barcelona e en 2025 estarán presentes nos principais festivais europeos.