Pereira celebra vinte anos de ‘Cocina de Abordo’ cunha edición guiada polo cociñeiro Javier Olleros

Publicado o por

A vixésima edición do receitario de Pereira, Cociña de Abordo, ten como protagonistas ao cociñeiro galego Javier Olleros e a dezanove traballadores da empresa. Pode consultarse online e conseguirse físico comprando nas tendas de Pereira este Nadal.

Pereira Produtos do Mar celebrou esta mañá, a bordo do buque Argos Berbés no porto de Vigo, a presentación da edición especial do seu receitario Cocina de Abordo, que este ano fai vinte anos. Baixo o lema 20 anos, 20 historias, 20 receitas, a compañía rende homenaxe ás persoas que forman parte do grupo.

A nova publicación está dispoñible tanto en formato calendario como en formato libro, e reúne vinte receitas e vinte historias persoais que conforman unha edición especialmente emocional. Nesta ocasión, os protagonistas foron dezanove traballadores e traballadoras do Grupo Pereira, responsables de seleccionar as súas receitas favoritas das diferentes edicións ao longo destas dúas décadas. O chef Javier Olleros, do restaurante Culler de Pau, con dúas Estrelas Michelin, revisou e versionou estas 19 propostas e sumou a receita número vinte, creada en exclusiva para esta publicación. Elixiu a lura patagónica como progatonista para elaborar unha lura napada con tinta sobre beurre blanc de mexillón e penca estofada. Durante o acto, Olleros elaborou en directo o prato, acompañado polo cociñeiro do propio barco de Pereira e persoal do seu restaurante.

Nacido en 2006 como unha homenaxe aos cociñeiros de barco, Cocina de abordo medrou ata converterse nun esperado lanzamento anual e un arquivo con máis de 200 receitas con produtos do mar, 50.000 calendarios repartidos e 100.000 descargas na web. Ao longo destes vinte anos múltiples edicións dedicadas á divulgación gastronómica, á alimentación saudable entre a infancia, a dieta atlántica, a innovación culinaria ou a recuperación da memoria cultural e literaria, como os dedicados a Emilia Pardo Bazán e Álvaro Cunqueiro. Ademias foi recoñecido con premios como o FROM en 2010 ou o Galicia Alimentación en 2022.

O calendario consíguese facendo unha compra nalgún dos establecementos de Pereira este Nadal (Beiramar, 59 e Ronda de D. Bosco, 41).Todas as edicións poden consultarse e descargarse en www.pereira.es/recetarios e www.recetaspereira.es.

REVISTA NADAL
The following two tabs change content below.

Paula Cermeño

Licenciada en xornalismo pola USC, pero a súa principal ocupación é viaxar. Mentres aforra para dar a volta ao mundo, traballa como redactora e xestora cultural. Gústanlle os libros, o audiovisual, o teatro e o rock and roll, por iso é doado atopala en moitos dos saraos vigueses.

Publicaciones relacionadas:

  1. Cociña de abordo: vieiras ao albariño
  2. La Fábrica de Chocolate celebra vinte anos de concertos con Ortiga, The Rapants ou Sarria
  3. A Laxe celebra os seus dez anos cunha gran festa este sábado
  4. O Festival Revoltallo celebra 30 anos cunha fin de semana de rock e actividades gratuítas