bannerRevistaOnline

Os mellores espazos de concertos en Vigo

Probablemente, á hora de pensar cales son os motivos polos que facer unha escapada a Vigo ir de concerto non sexa un deles. A gastronomía, monumentos ou tradicións serán algúns dos primeiros distintivos que che veñan á cabeza. Con todo, como quedas se che digo que a cidade volveuse unha experta á hora de ofrecer unha boa dose de música en directo? Que a vida cultural en Vigo é moi axitada é un feito, así que decidimos presentarche algunhas dos espazos de concertos máis solicitados polos artistas do momento. Afundación, co seu auditorio e o seu teatro, o Instituto Feiral de Vigo (Ifevi), o Auditorio Mar de Vigo, Mondo Club e a sala La Pecera, son algúns dos exemplos máis claros.

Afundación

A Afundación de Vigo non conta só cun lugar que artistas de todo o mundo escollen para a celebración dos seus concertos: conta con dous dentro dun mesmo edificio. Por unha banda, un gran auditorio no que dar renda solta a música en directo de todos os xéneros e estilos posibles e, por outro, un teatro de menor aforo pensado para eventos de todo tipo.

Ifevi

O Instituto Feiral de Vigo é un dos imprescindibles nesta lista. Con tres pavillóns, é outro experto en albergar os concertos dalgúns dos mellores cantantes e as bandas máis míticas. Tanto é así, que polo seu escenario pasaron estrelas da talla de Lenny Kravitz, Bob Dylan ou Chemical Brothers. O Ifevi é sen dúbida un lugar no que calquera gran concerto ou espectáculo ten cabida, ou se non que llo digan aos que están por chegar.

Auditorio Mar de Vigo

Trátase do Palacio de Congresos da cidade de Vigo, un lugar moi amplo no que se celebran espectáculos, concertos, conferencias e eventos moi variados. Con 23.000 m2, conta cun auditorio central con capacidade para máis de 1.400 persoas e outras salas que se adaptan á perfección a cada unha das celebracións, como o hall ou a terraza. Por el, pasaron artistas nacionais, internacionais, de teatro, musicais ou de danza. Prepárate para o que vén!

Mondo Club

Banner A Movidiña

Mondo Club lidera a escena de concertos alternativos en Vigo. Cunha experiencia de máis de 15 anos, ofrece unha proposta innovadora e contemporánea que artistas de todo o país non dubidan en probar. A súa programación é arriscada e a súa disposición para co público é en grao sumo dedicada. A sala é o lugar perfecto ao que ir con amigos e gozar de música en directo de xeito diferente.

La Pecera

Rock, indie, blues, folk… A sala de concertos La Pecera ten claras as súas preferencias e o público que acode a ela en todas e cada unha das actuacións que ofrece aínda máis. Un lugar acolledor no que poder gozar da música tal e como se fixo sempre. Que non cambien os bos costumes!

X