O Mapa Literario de Vigo conecta 300 obras e 150 autores cos espazos da cidade

Publicado o por

A Biblioteca Neira Vilas impulsa o Mapa Literario de Vigo, un repositorio dos escenarios onde se desenvolve a acción das obras creadas polos escritores da cidade. 

Mapa literario de Vigo dispoñible na web da biblioteca Neira Vilas

Hai cidades que se viven, e hai cidades que tamén se len. Vigo pertence ás dúas categorías. A urbe máis poboada de Galicia é, dende hai séculos, escenario, inspiración e personaxe de innumerables obras literarias. Esa riqueza narrativa amotivou que no 2018 a Biblioteca Pública Municipal Xosé Neira Vilas puxera en marcha o Mapa Literario de Vigo, un proxecto que xeolocaliza escenarios de ficción para reconstruír a memoria literaria da cidade. Tanto o mapa como a información sobre o proxecto está dispoñible na web mapaliterariodevigo.com.

O mapa artéllase en liñas de transporte ficticias que conectan os principais puntos literarios de Vigo. Unha rede imaxinaria que vai de Cabral a Lavadores, de Saiáns a Bouzas ou do Casco Vello ata as Illas Cíes. Os usuarios poden facer click, por exemplo, na parada A Guía, e descubrir cantos personaxes novelescos pasaron antes por alí. En total, dez liñas con puntos reocñecibles, unha liña circular que recolle obras con visións máis globais da cidade e unha liña especial dedicada aos grandes fitos da historia viguesa: a Batalla de Rande, o Faro de Vigo, o Celta ou a Movida dos oitenta.

En total, o repositorio reúne 285 novelas, 153 autores e autoras e máis de 3.300 referencias literarias. Entre elas figuran nomes tan coñecidos como Ledicia Costas, Domingo Villar, Manuel Esteban, María Xosé Queizán, Francisco Castro ou Pedro Feijoo, entre moitos outros. A última versión do mapa ofrece biografías ampliadas, acceso directo ás obras incluídas, e ligazóns ás súas editoriais, redes sociais e páxinas de referencia, abrindo o abano ás persoas que queiran afondar no universo literario vigués.

REVISTA NOVEMBRO

O proxecto naceu coa vontade de poñer en valor a importancia de Vigo na literatura e converteuse nunha ferramenta de animación á lectura, ofrecendo ao público unha nova maneira de percorrer a cidadea través das súas historias. Será presentada no XII Congreso de Bibliotecas Públicas que se celebrará en Granada do 5 ao 7 de novembro.

The following two tabs change content below.

Paula Cermeño

Licenciada en xornalismo pola USC, pero a súa principal ocupación é viaxar. Mentres aforra para dar a volta ao mundo, traballa como redactora e xestora cultural. Gústanlle os libros, o audiovisual, o teatro e o rock and roll, por iso é doado atopala en moitos dos saraos vigueses.

Publicaciones relacionadas:

  1. 10 autores galegos poñen letra ás obras de arte de Afundación
  2. Vigo homenaxea a Verne polo 150 aniversario da entrada do Nautilius na ría
  3. O Marisquiño enfila a súa edición máis ambiciosa en tres espazos da cidade
  4. O festival Underfest propón 18 artistas en 10 espazos da cidade