O festival The Wild confirma ás bandas Sr. Salvaje, Netta Rufina e Los Mortymer no seu primeiro avance do cartel
The Wild, o festival celebrado no Parque Forestal de San Miguel de Oia do 5 ao 7 de setembro, publica o seu primeiro avance do cartel cunha banda de nivel nacional aínda por anunciar. O evento ofrece unha experiencia única ao aire libre con música, cine, natureza e actividades para toda a familia.
Sr. Salvaje, Netta Rufina e Los Mortymer son algunhas das bandas protagonistas do primeiro adianto das participacións, no que destacan os artistas galegos. Outras actuacións confirmadas son as de Cé Orquestra Pantasma e o show de Peter Punk, dirixido ao público familiar. Ademais, o venres 5 acóllese no propio festival a final do concurso de bandas Salvaxesons entre as catro finalistas: Supergigante, Exeria, Martin Human e Gargantúa, entre os que se repartirá 1.800 € en premios.
A estes artistas súmase unha das cabezas do cartel, unha banda nacional de primeiro nivel aínda sen revelar que consolida o compromiso do evento polo rock de calidade e personalidade. The Wild é un referente en Galicia, conseguindo afianzarse co paso dos anos e reunir artistas da talla de Ángel Stanich, Arizona Baby, Los Zigarros, Aphonnic, SÉS o Familia Caamagno.
Máis aló das actuacións, o encontro ofrece tamén cine ao aire libre, actividades infantís, rocódromo, andadura e a gincana de orientación pola natureza ‘Orientaventura’. O equipo do festival destaca o seu compromiso co vecindario de San Miguel de Oia e a comunidade de montes, cun mercado de artesanía e unha zona gastro para promover o consumo local. Tamén, aposta pola accesibilidade cultural e un modelo de proximidade, reforzando o talento galego co seu concurso de bandas emerxentes. Búscase crear unha experiencia na que a calidade artística, o cuidado do entorno e a creación sexan os protagonistas, nun ambiente sen grandes aglomeracións con divertimento para todas as idades.
Para o venres e o domingo, a entrada é de balde. As entradas para o sábado custan 10,00 € e pódense mercar premendo a continuación:
