O certame Exeria busca relatos orixinais sobre Vigo
O Ateneo Atlántico e a Fundación Xoán Piñeiro publican as bases do certame de narrativa breve Exeria baixo o lema Vigo na cabeza e dotado con 1.500 € en premios. O prazo de presentación de orixinais comeza o 1 de marzo e remata o 1 de maio.
O Ateneo Atlántico de Vigo, en colaboración coa Fundación Xoán Piñeiro convoca a quinta edición do Certame Exeria de relato curto. Os escritos deberán ser orixinais, inéditos e non premiados, e virarán en torno ao tema Vigo na cabeza. O prazo de presentación de orixinais está aberto desde o 1 de marzo ata o 1 de maio. Pode participar calquera persoa maior de idade, cun só relato orixinal, inédito e non premiado, escrito en lingua galega e sen axuda da IA. O relato, deberá ter unha extensión máxima de 5.000 caracteres, incluídos os espazos e o título. As bases completas poden consultarse na web do Ateneo Atlántico.
O concurso repartirá un único premio de 1500 euros, grazas ao patrocinio do grupo S. a. Eduardo Vieira e Adegas Terras Gaudas. O xurado estará presidido por unha persoa de recoñecido prestixio no ámbito cultural e formado polas persoas gañadoras do Premio Exeria 2024, ademais da designada polo Ateneo Atlántico e outra pola Fundación Xoán Piñeiro. O fallo do xurado e a entrega do premio terá lugar na primeira quincena do mes de xuño.
Paula Cermeño
Últimos posts de Paula Cermeño (ver todos)
- A prohibición dos concertos nos chiringuitos golpea aos músicos locais - 10 Xullo, 2026
- Gudini: pratos de restaurante na túa neveira - 19 Xuño, 2026
- A Selección Galega de Fútbol Gaélico busca apoios para financiar a súa participación nos Xogos Mundiais - 5 Xuño, 2026
- Autobán convoca un premio ao mellor fanzine galego - 3 Xuño, 2026
- Caixiña de Ritmos propón un verán de baile, música e creatividade - 29 Maio, 2026