Zeltia Irevire é unha banda galega cun estilo de autor único que se nutre de xéneros como o folk ou o blues. Formada en 2019 en Santiago de Compostela, denominan o seu propio estilo como “Tribal Folk”, situándoo dentro das Músicas do Mundo. Caracterízase pola sólida sonoridade dos instrumentos acústicos (bodhran, caixa de pemento, violín, guitarra acústica e bouzouki), que se mesturan con outros sons máis electrónicos (sintetizador de baixo, pedais de efectos…). A composición das súas letras toma como referencia a sabedoría popular e reivindica a defensa do patrimonio cultural e natural de Galicia.

Na xira ‘Ruta en solitario’ Zeltia Irevire actúa en solitario e en acústico. O concerto irá seguido dunha foliada aberta a todo o mundo.

Apertura 20:30h – Acústico 21:30h

Entrada libre – Caixa inversa mínima recomendada 5,00 €.