A Asociación Parkinson Vigo levará a cabo o mércores 3 de abril ás 17:00h, no Auditorio Municipal do Concello de Vigo, unha xornada de información e sensibilización sobre o Párkinson. Contarán cos relatorios do Dr. Lorenzo (Xefe do Servizo de Neuroloxía do Povisa), de Nicolás Piedrafita (dietista e nutricionista en Fix Salud e no Sistema Galego de Saúde) e de Araceli Aguilera (afectada de Parkinson de inicio temperán e unha das autoras do libro ‘Á sombra do Párkinson’).