Xornada de portas abertas Swing On Vigo

A escola de baile Swing On Vigo organiza para o luns 3 de xaneiro unha xornada de portas abertas con dúas clases de balde, para que as persoas que se animen a asistir coñezan un pouco máis ese estilo de baile.

Ás 19h haberá unha clase haberta de Lindy Hop, un dos membros da familia do baile swing. O Lindy Hop báilase como un baile social, competitivo, como un baile de actuación e en clases, talleres e campamentos. Se pode bailar sós ou xuntos, coa improvisación como parte central do baile social e moitas pezas de actuación e competencia.

A segunda clase será ás 20.30h de Solo Jazz. É un baile swing súper rico en formas e musicalidade. Báilase de maneira individual á vez que é un baile tremendamente social pois cobra todo o seu sentido cando é bailado en grupo. Dunha riqueza artística sen igual, a enerxía e diversión que este baile desprende non coñece coñece límites.

Para asistir é necesario apuntarse vía mensaxe directa no Instagram de @swingonvigo. Podes reservar para unha das clases ou para ambas.

Luns 3 a partir das 19:00