Tras o éxito dunha sesión recente onde o equipo demoníaco arrasou sen piedade, o vindeiro xoves 2 de abril, o establecemento Café UF volverá ser o escenario de ‘Blood on the Clocktower’. Esta proposta de Realidad Alternativa convida aos participantes a mergullarse no mellor xogo de roles ocultos para poñer a proba a súa capacidade de dedución e o seu instinto.

Nesta experiencia de estratexia e misterio, os xogadores divídense en dous bandos: aldeáns e forasteiros por un lado, e o demonio e os seus esbirros polo outro. O desafío reside en que ninguén sabe con certeza quen é quen.

• Pola noite: O demonio decide en segredo quen morre en Ravenswood.
• Polo día: Todos os participantes debaten na praza do pobo para executar a un sospeitoso e intentar acabar co mal… se elixen correctamente.
• Condicións: Actividade para maiores de 16 anos cun límite de 15 participantes.