O público de Beade poderá disfrutar da música folk de Xisco Feijoo nun concerto o luns 26 de xullo á noitiña. O evento terá lugar na Igrexa de San Esteban de Beade.

Xisco Feijoo é cantante, premiado bailador, coreógrafo, presentador de televisión, mestre da ETRAD e coordinador da sección de canto da OFG SonDeSeu. Despois de ter feito un incesante traballo de recuperación etnográfica durante máis de trinta anos e tendo colaborado en máis de vinte discos e espectáculos de artistas como Mercedes Peón, Xosé Manuel Budiño, Carlos Núñez, ou Rodrigo Romaní, atrévese lanzando un novo traballo discográfico chamado PEIXE que o público poderá escoitar nunha cálida noite de verán.