Moonshine Wagon é unha das bandas máis explosivas e peculiares do panorama europeo. Nados no Val de Ayala (Álava), estes catro músicos levan máis dunha década rompendo esquemas coa súa inconfundible mestura de bluegrass con toques de metal acústico, todo interpretado con instrumentos de corda: violín, mandolina, banjo, bouzouki, guitarra e contrabaixo a unha velocidade inusual, acompañados de harmonías vocais a tres voces.

A súa música viaxa entre a festa e a reflexión, con letras que alternan o humor coa crítica social e unha enerxía desbordante que converte cada concerto nunha experiencia inesquecible. Alí onde soan ármase a festa e quen os ve unha vez, repite. Cunha comunidade de decenas de miles de seguidores en redes, Moonshine Wagon comparte de xeito constante vídeos, cancións e minidocumentais únicos.

Tras máis de 1000 concertos en 15 países de Europa e América e o seu paso por festivais tan emblemáticos como Resurrection Fest, Azkena Rock Festival, Tsunami Xixón, Boomtown Fair (Reino Unido), Sjöck (Bélxica) ou Muddy Roots Festival (Tennessee, EEUU), o grupo segue sumando datas para este 2026. Despois de celebrar o seu 12º aniversario cun disco recompilatorio que repasa o mellor dos seus catro álbums de estudio, Moonshine Wagon prepárase para un novo traballo e unha xira internacional aínda máis ambiciosa.

Entradas