A II edición do Mercado Cerámico celebrarase o 18 de outubro e muda á súa localización ao Mercado de Teis. Tras a boa acollida primeira edición, a empresa local No todo el pescado está vendido continúa a súa aposta por esta disciplina que está en auxe, cada día máis, tanto na súa vertente utilitaria como de deseño. Distintas escolas da nosa cidade avalan esta disciplina e grandes mestres vigueses, como Emilia Guimarães ou Miguel Vázquez, son en parte responsábles deste auxe artesanal.

Este mercado terá a particularidade de celebrarse xunto coa actividade habitual do mercado de Teis, onde se mesturará a compra diaria de alimentos coa cerámica, fomentando así o costume de antano dos mercados, onde os artesáns formaban parte do día a día destes espazos.

Será unha xornada acompañada dunha gran programación, desde talleres de cerámica para todos os públicos e gratuítos, coa artista viguesa Ruth Lodeiro que nos falará sobre a súa traxectoria e obra cerámica, actuacións para os máis pequenos e un concerto clausura da man de Jennifer Taylor Trío, formado por Alexandre Toucedao, Alejandro Artalejo e Jennifer Taylor cun repertorio centrado no jazz e a bossa nova, unha oportunidade para gozar da música en directo .

A programación completa é a seguinte:

• 10:00h Apertura de expositores de cerámica

• 11:00h Obradoiro cerámico infantil

• 12:30h Espectáculo infantil: Ledicias de Charlatana Cultural

• 13:00h Coloquio con Ruth Lodeiro

• 16:00h Obradoiro Cerámico Infantil 

• 17:00h Espectáculo infantil: Barafunda Contacontos “O Gato Zapato”

• 18:30h Actuación Musical Jennifer Taylor Trío

• 20:00h Peche