Visitas Cidade da Xustiza

A partir do próximo día 14, todos os mércores ata a finalización das obras da Cidade da Xustiza, a Xunta de Galicia organizará visitas guiadas á nova infraestrutura xudicial, a mellor do noroeste español e coa que ademais se recupera un dos edificios máis emblemáticos de Vigo. Desde as súas últimas plantas pódese observar a mellor panorámica da cidade.
En grupos de 15 persoas organizados en tres quendas diarias (16.30, 17.30 e 18.30) os cidadáns que queiran coñecer este edificio poderán anotarse no teléfono 986.817.797.
En todo momento, observaranse as medidas de prevención hixiénico-sanitarias necesarias (uso de máscara, hixiene de mans e distancia interpersoal) así como as propias de seguridade da obra.