Visita o Bima Suci, un dos maiores veleiros do mundo construído en Vigo

O veleiro Bima Suci, construído no asteleiro vigués Freire para a Academia Naval de Indonesia en 2017 regresa ao porto onde naceu e poderá visitarse os próximos días.

Bima Suci é un dos veleiros máis grandes do mundo, con capacidade para que máis de 200 persoas durman nel e o seu uso principal será o adestramento de cadetes do exército indonesio. Mide 111 metros de longo e as súas velas teñen unha superficie total de 3.352 metros cadrados. A súa construcción custou máis de 70 millóns de euros.

Horario de visitas:

22 de agosto – de 15 a 21h

23 de agosto – de 10 a 17h

24 de agosto – de 10 a 21h

O barco está atracado no Porto de Vigo, fronte ao Club Náutico. A visita é gratuíta.