Dentro do proxecto A Noite Branca, o museo ubicado no Parque de Castrelos conta cunha exposición arqueolóxica, unha recreación do pazo galego e unha colección de pinturas antigas e artes decorativas. Ás oito da tarde o público poderá asistir a unha visita guiada de balde en galego ou castelán polos xardíns históricos do pazo cunha duración de 45 minutos. O aforo das salas é limitado, así como a visita guiada, que será completada por orde de chegada en grupos de 20 persoas.