A parroquia viguesa de Valladares acolle a oitava edición da súa Xuntanza Moteira, un evento organizado polo Club Motero Cuatro Amigos e a Comisión de San Campio que prevé reunir a preto de 500 afeccionados ás dúas rodas. O encontro contará cun percorrido de 42 quilómetros polas estradas de Vigo, pasando por zonas como o Monte dos Pozos, Matamá, Beade, a Universidade, Bembrive e o Parque do Pouso, onde se fará unha parada para tomar uns pinchos e un refrixerio. Tras o descanso, a ruta reactivarase cara a Sárdoma, a Finca da Marquesa e Valladares. Como acto central e emotivo da xornada, pola noite celebrarase unha marcha nocturna con fachos en memoria de todas as persoas vítimas de sinistros viais. A cita inclúe tamén diversos sorteos e agasallos entre os participantes inscritos.