Os días 18,19 e 20 de xullo, o Auditorio Pazo de Congresos Mar de Vigo acolle a oitava edición do Interplanetario. O evento consiste en tres días de actividades relacionadas co universo INFINITY. O punto forte é unha competición internacional entre xogadores dunha longa lista de países. Trátase dunha experiencia única durante unha fin de semana chea de entretemento e diversión. Comeza ás 9:00 h e remata ás 21:30 h.

É un espazo para todas as idades onde se pode compartir a paixón polas miniaturas con outros fanáticos; participar en torneos internacionais de videoxogos; gozar entre pinceis co fast painting, ou participar nun concurso de pintura; asistir a mesas redondas e charlas informativas; ou, simplemente, pasar un bo rato en comunidade.