VII Festival Nas Ondas: Orquestra de Corda e Coro

O vindeiro martes 10 de maio, ás 20 horas, a Orquestra de Corda e Coro do CSMVigo ofrecerá o primeiro dos concertos adicados á celebración da Semana das Letras Galegas Será un concerto especial que contará cun programa de obras integrado na súa totalidade por creacións de compositores galegos, entre os que se atopan nomes tan sinalados como son os de Andrés Gaos, Antonio Paz e Rogelio Groba.
Antes do concerto, ás 19 horas, o director da Orquestra de Cámara Galega, Rogelio Groba Otero, ofrecerá un conferencia na que fará unha aproximación á música do seu pai, o compositor Rogelio Groba.