VII Festival Nas Ondas: Paul Meisen

Comenza a temporada de maio co VII Festival nas Ondas, este marte 3 de maio ás 20h evento adicado ao frautista Paul Meisen no Auditorio Martín Códax.

Albert Mora ofrecerá ás 18 horas unha charla sobre o recoñecido frautista Paul Meisen. Despois, ás 20 horas, e xunto ao profesor de frauta do CSMVigo Manuel Morales, ofrecerá un concerto no que interpretará un programa variado de obras, que inclúe pezas de W.F. Bach, C.P.E. Bach, E. Denisov, T Takemitsu, S. Karg-Elert, J. González e F. Kuhlau. Neste evento trátase de achegar ó público en xeral, e os frautistas en particular, unha das figuras máis señeras do panorama frautísico mundial no século XX. Hoxe prácticamente descoñecido no noso país, foi unha figura de referencia en Alemaña e os seus alumnos hoxe forman parte das mellores orquestras e conservatorios do mundo.