VII Festival Nas Ondas

O Festival de Música e Artes NAS ONDAS ofrece na sua séptima edición máis de 40 eventos entre o 16 de febreiro e o 2 de xuño de 2022, reforzando tanto o seu perfil internacional coma a sua aposta pola música dos compositores galegos con concertos, charlas e clases maxistráis.
O festival, integrado polos ciclos Semana da Música Antigua, De Piano, III Semana Internacional do Clarinete, PercusiónFest, Saxornadas, Explurart, Abrente e Semana das Letras Galegas, mostra o extraordinario dinamismo do Conservatorio Superior de Música de Vigo e o seu compromiso ca cultura e a súa normalización en tempos de pandemia.

Desde o luns 25 ao xoves 28 o saxofón será o protagonista da programación, con concertos pertencentes ao ciclo “Saxornadas” organizado polo centro. Un ciclo que se iniciou alá polo ano 2004 no CPM de Vigo e están coordinadas desde entón polo catedrático de  saxofón no CSM de Vigo, Rafael Yebra. Ao longo destas 18 edicións pasaron destacados saxofonistas e grupos no ámbito da música clásica, contemporánea e jazz como Andrés  Gomis,  Marie- Bernadette  Charrier, Xosé Luís  Miguelez, Cuarteto de  saxofones  S@x 21, Fernando Ramos, Vin- Gop  Cuartet, Joel  Versavaud, Javier Constenla Jazz  Quartet, Narciso Pillo, Antonio García Jorge, Antonio Felipe  Belíjar, … e compositores como Alberto Pousadas, Pablo  Beltrán  ou  Christophe  Havel, entre outros.

O mércores 27 de abril, ás 20:00 h no Auditorio Martín Códax, realizarase o unha conferencia-concerto co dúo ” ADUA” cuxos integrantes son o saxofonista Sixto Herrero e o pianista Daniel Fernández. A conferencia realizarase a cargo de Sixto Herrero, o cal abordará temas relativos ao novo repertorio ligado á investigación baseada nas artes, co fin de facer chegar novas creacións e adaptacións, buscando un cambio idiomático no repertorio para saxo especialmente con piano acompañante.