SÁBADO 18/10/2025

13:00 – 13:15 h. Alimentación da fauna do Exotarium.

16:30 – 17:30 h. Xogando coas Sementes na Horta.

16:30 – 17:30 h. Enriquecemento Ambiental con Burros.

17:30 – 18:30 h. Biodetectives na Horta.

17:30 – 18:30 h. O Ovo e a Galiña.

18:30 – 19:30 h. Aves Irrecuperables.

18:30 – 19:30 h. Coñecendo o noso Sol.

DOMINGO 19/10/2025

13:00 – 13:15 h. Alimentación da fauna do Exotarium.

16:30 – 18:30 h. Escape Room Familiar.

16:30 – 17:30 h. O mundo dos Artrópodos.

17:30 – 18:30 h. A lingua das Aves.

18:30 – 19:30 h. Especies Exóticas Invasoras.

18:30 – 19:30 h. Fenómenos do Ceo.

Prezo: As actividades son de balde coa entrada ao parque.

Alimentación da fauna do Exotarium – Todos os públicos: Durante o tempo de alimentación das tartarugas e iguanas no exotarium, poderás observar a súa dieta e a súa forma de alimentarse.

Xogando coas Sementes na Horta – Idade recomendada +4: Este é o momento ideal para recoller sementes de algunhas plantas, ese agasallo que nos ofrecen as plantas do xardín para gardalas para a próxima tempada e, ademais, para comer. Tamén é hora de sementar e xogaremos a un xogo no que as sementes son as protagonistas.

Enriquecemento Ambiental con Burros – Idade recomendada +6: As actividades de enriquecemento ambiental son fundamentais para o benestar dos animais en catividade. Aquí axudarás a crear diversos xoguetes de comida e premios para os burros e observaremos o seu comportamento.

Biodetectives na Horta – Idade recomendada +4: Obradoiro no que actuaremos como detectives e, coa nosa lupa electrónica, localizaremos diferentes animais para identificalos e investigar o seu papel no xardín, así como curiosidades sobre eles cando entran en acción.

O Ovo e a Galiña – Idade recomendada +6: Que foi primeiro, o ovo ou a galiña? Participa neste xogo de mesa familiar no que investigaremos a orixe das galiñas viaxando ao Xurásico, onde atoparemos o antepasado da galiña de Mos e observaremos a súa evolución ata a actualidade.

Aves Irrecuperables – Idade recomendada +6: Esta actividade céntrase en mostrar as particularidades das aves rapaces presentes nas instalacións do parque, destacando os seus grupos, morfoloxía e adaptacións, similitudes, ameazas, manexo de exemplares feridos no medio natural e recepción daqueles que non se poden recuperar.

Coñecendo o noso Sol – Idade recomendada +7: Poderás achegarte e observar o Sol, ese gran descoñecido, directamente a través dun telescopio e construír o teu propio reloxo de sol. (*) En caso de mal tempo, esta actividade substituirase por “O ceo nocturno”.

Escape Room Familiar – Idade recomendada +8: “Código 17” é unha sala de escape especialmente deseñada para un público familiar, educativo e respectuoso co medio ambiente. Nesta misión converterédesvos en científicos que deberán afrontar un gran reto: atopar os 17 Obxectivos de Desenvolvemento Sustentable (ODS) que foron agochados por un grupo de científicos rebeldes liderados polo malvado Dr. Lago. A sala de escape desenvólvese nun entorno con material científico, mapas e pistas ocultas, creando unha atmosfera inmersiva, educativa e moi divertida.

O Mundo dos Artrópodos – Idade recomendada +6: Neste obradoiro práctico con artrópodos vivos poderás aprender sobre as diferentes características do seu comportamento, bioloxía, ameazas, hábitat e forma de vida.

A Lingua das Aves – Idade recomendada +6: Actividade familiar participativa centrada na comunicación das aves, onde os participantes aprenden a distinguir sons como o canto e o chamamento mediante xogos auditivos e unha visita guiada. Combínase a divulgación científica con dinámicas lúdicas e observación directa de aves irrecuperables.

Especies Exóticas Invasoras – Idade recomendada +6: Esta actividade pretende introducir o concepto de especies exóticas e especies exóticas invasoras, explicando que son, como se introducen no territorio, o seu proceso de invasión e prestando especial atención ao impacto e aos problemas que causan no medio natural, así como aos métodos para combatelas e previr a introdución de máis especies invasoras. Tamén observaremos algúns exemplos moi próximos de fauna e flora exóticas invasoras.

Fenómenos do Ceo – Idade recomendada +7: Descubre os espectáculos máis sorprendentes do firmamento! Nesta actividade falaremos dos fenómenos celestes máis rechamantes como eclipses, cometas, tránsitos planetarios, choivas de estrelas ou supernovas. A través de explicacións sinxelas, imaxes e unha manualidade creativa, aprenderemos por que e cando ocorren estes eventos, e como podemos observalos dende a Terra.